Ходоодны үрэвсэл

Эмгэгийн дэлгэрэнгүй мэдээлэл

Ходоодны дотор талын салт бүрхүүлийн үрэвслийг гастрит гэх бөгөөд таны дархлааны систем халдвартай тэмцэх болон салстын эдгэрэлтийг түргэсэхийн тулд ходоодны үрэвслийг өдөөснөөр үүсэх өвчин юм. Цочмог болон архаг, шалбархайт болон шалбархайт бус гэсэн 4 хэлбэрээр үүсдэг. Цочмог гастрит нь гэнэт эхэлж, түр зуур илэрдэг бол архаг хэлбэр нь шинж тэмдэггүй эсвэл бүдэг илрэлтэй байна.

Ходоодны үрэвслийг эмчлэхгүй удаан хугацаанд явбал ходоодны шарх, шалбархай үүсэж ходоод цоорох, цус алдах, ходоодны хавдар үүсэх зэрэг хүндрэлүүдийг үүсгэнэ.

Хоолны болон ахуйн дэглэм, халдварын эсрэг антибиотик эмчилгээг хийлгэснээр ходоодны үрэвсэлээс сэргийлэх болон эмчлэх боломжтой. 

 

Хэрвээ таньд дээр дурдагдсан шинж тэмдэгүүд илэрсэн, ходоодны үрэвсэлээр өвдсөн бол дур мэдэн эмчилгээ хийж огт болохгүй. Эмчилгээ нь ходоодны үрэвсэлийн шалтгаанаас хамаарч өөр өөр байдаг тул өөрийн эмчид хандан тохирсон, зөв эмчилгээг цаг алдалгүй хийлгээрэй. Эмчилгээний ерөнхий зарчим нь:

  • Хоолны дэглэм
  • Халдварын эсрэг антибиотик эмчилгээ
  • Ходоод хамгаалах, ходоодны хүчил ялгаралтыг бууруулах эмчилгээ
  • Өвдөлт намдаах эмчилгээ
  • Шингэн сэлбэх эмчилгээ зэрэг багтана.

Хеликобактерийн эсрэг эмчилгээний үеийн хооллолт

  • Өдөрт 5-6 удаа хооллох буюу удаан хугацаагаар өлсөхгүй байх
  • Нэг доор хэт их идэхгүй байх
  • Яарч сандран, тайван бус байдалтай хооллохгүй байх
  • 3-4 цагаас дээш хугацаанд өлөн байхгүй байх
  • Физикийн цочруулгүй хоол идэх: хэт халуун хоол идэх, халуун хоол идсэний дараа хүйтэн цай ус уух зэргийг хориглоно. Мөн хоолыг бэлтгэхдээ жижиглэх, үрэх, машиндах зэрэг аргуудыг хэрэглэж байна.
  • Механикийн цочруулгүй хоол идэх: хоолны анхан шатны боловсруулалт амны хөндийд явагддаг гэдгийг санах хэрэгтэй, иймд аманд орсон хоолыг сайтар зажлах буюу том томоор нь бүхлээр залгихгүй байх
  • Химийн цочруулгүй хоол идэх: хурц, амтлагч ихтэй, халуун ногоотой, хүчиллэг ихэсгэх бүтээгдэхүүн (цитрусын төрлийн жимс, архи дарс, тараг гэх мэт) зэрэг хоолыг хориглох
  • Хоолны зөв боловсруулалт хийх: жигнэсэн, чанасан зэрэг хоол нь хүний биед “эм” болдог бол шарсан, хуурсан, түлэгдсэн зэрэг хоол нь сөрөг үр дагавар өндөр байдаг.

Хориглох хүнс:

  • Амттан, ундаа жүүс /кофе, вафли, шоколад, будагтай чихэр, газтай, өнгөтэй ундаа жүүсгэх мэт/
  • Тослог ихтэй цагаан идээ /өрөм, цөцгий, хайлмаг, тос, сарлаг, ингэний сүүн бүтээгдэхүүн, хэт исэглэн ааруул, аарц, тараг/
  • Махны төрөл /гахай, адууны мах, тарваганы мах, хиам, утсан мах/
  • Хагас боловсруулсан бүтээгдэхүүн /лаазалсан, даршилсан хүнсний бүтээгдэхүүн, чипс/
  • Төрөл бүрийн хурц амтлагчууд, халуун ногоо гэх мэт
  • Архины төрлийн ундаа

           Оношлогоо нь ходоодны үрэвсэлийн шалтгаан, хүчин зүйлээс хамааран өөр өөр байх бөгөөд таныг эмнэлэгт хандсаны дараа эмчлэгч эмч доорх шинжилгээнээс тохирохыг таньд зөвлөх болно.

  • Цусанд түүний эсрэг үүссэн эсрэг биеийг илрүүлэх /Хуурамч эерэг хариу гарах магадлал өндөртэй тул эмчилгээ авах заалт болдоггүй/
  • Ходоод гэдэс дурандан шинжилгээ авах /эдийн шинжилгээ, бактериологи болон уреаза тест/
  • Амьсгалын сорилоор илрүүлэх
  • Баасанд хеликобактерийн антиген тодорхойлох шинжилгээ зэрэг аргуудыг хэрэглэж байна.  

 

Дурангийн шинжилгээнд ирэхдээ анхаарах зүйлс:

           Хэрвээ та ходоодны дурангийн шинжилгээ хийлгэх гэж байгаа бол шинжилгээнд ирэхийн өмнөх өдөр доорх зүйлсийг мөрдөөрэй.

           Шинжилгээний өмнөх өдрийн орой 18 цагаас хойш юм идээгүй өлөн байхСүүлийн 14 хоногт ходоод хамгаалах эм болон антибиотик эмчилгээ хэрэглээгүй байх Хеликобактери илрүүлэх уреазын сорил өгөх бол сүүлийн 14-28 хоног антибиотик, ходоодны шүүрэл дарангүйлах болон висмутын бэлдмэл уугаагүй байхХэрвээ унтуулгатай дурандуулах болон дурангийн эмчилгээ хийлгэх бол насанд хүрсэн хүний хамт ирэхЭмийн бодис ходоодны салстыг бүрхэн шинжилгээнд саад учруулдаг тул даралтны, зүрхний гэх мэт эмчийн заалтаар зайлшгүй уух эмийг шинжилгээнээс 4-5 цагийн өмнө уусан байх.

 

Урьдчилан сэргийлэх нь хоолны дэглэм, ахуйн дэглэм барьж халдвараас сэргийлэхээс эхлэх ба анхдагч болон хоёрдогч гэж ангилна.

Анхдагч /хеликобактерийн халдвар авахаас өмнө урьдчилан сэргийлэх арга хэмжээг хэлнэ/. Үүнд:

  • Хувийн ариун цэвэр /гарыг өдөртөө тогтмол угаах, амны хөндийн ариун цэвэр/
  • Хувийн эрүүл ахуйн дэглэм /хувийн хэрэглээний аяга, халбага гэх мэт зүйлтэй байх/
  • Гэр бүлийн нийт гишүүд дээрх зарчмыг баримтлах

Хоёрдогч /хеликобактерийн халдвар аваад эмчилгээ хийлгэснээс хойш авах арга хэмжээг хэлнэ/

  • Хеликобактерийн халдварын эмчилгээ хийлгэснээс хойш 14-45 хоногийн дараа өтгөний шинжилгээг өгч хеликобактери бүрэн устсан үгүйг шинжлүүлэх.

Дээрх урьдчилан сэргийлэх арга хэмжээг авсанаар та ходоодны үрэвслээс сэргийлэх ба түүнээс үүдэн гарах хүндрэлээс сэргийлж чадна.